Жалал-Абад мамлекеттик университетинде 2019-2020-окуу жылына карата 3 окуу корпусу оңдоп түзөөдөн өткөрүлүүдө. Мындай маалыматты админстративдик чарба иштери боюнча проректор Салмоорбек Садирбекович Уметов билдирди.

Педагогика жана маалымат технологиялар факультетинин, медициналык колледжинин окуу корпустарынын сырттары оңдолуп, пластик эшик-терезелер орнотулду.  АТФнын окуу корпусунда “Ветеринария” кафедрасынын аудиториялары жаңыланып, заманбап лораториялар курулууда. Студенттердин билим сапатын жогорулатуу максатында окуу жайдын каражатынын эсебинен аталган иштер аткарылып жатканынын маалымдады.

Университетке  караштуу жалпы 10 окуу корпусу бар экенин айтып,  АТФ окуу корпусунун алдын жашылдандыруу максатында газондор орнотулуп жатканын кошумчалады ал.