Жалал-Абад колледжинини студенттери  Кыргыз Республикасынын куралдуу күчтөрүнүн  түзүлгөн күнүнө карата Кайтаруу жана күзөтүү депараментинин 5-өзүнчө батальону жана   Ички Иштер Министрлигине караштуу Ички аскерлердин 704 аскердик бөлүгүндө  концерттик программа менен конокто болушту.

ЖАКтын директору, п.и.к., доцент Б.М.Турдубаева,  Кайтаруу жана күзөтүү депараментинин 5-өзүнчө батальонунда болуп, жоокерлерди, жоокер башчыларын майрамы менен куттуктады.

 Ошондой эле Аскерге чейинки даярдык боюнча сабак берген окутуучулар мурунку аскер кызматкерлери, куралдуу күчтөрдүн майору К.Шамшиев, капитан Ы.Макамбаев, лейтенант У.Сыдыковдор 100 дөн ашык студентти Ички аскерлердин 704 аскердик бөлүгүнө алып барды. Студенттер ок атуу куралдары жана сапка тизилүү эрежелерин кызматтык милдетин аткарып жүргөн катардагы жоокерлер менен бирге аткарып, мекенди коргоого болгон атуулдук, жарандык милдетке баруу маанилүү экендигин түшүнүштү – дейт колледждин директорунун тарбия иштери боюнча орун басары.

Ал эми студенттер тобунан түзүлгөн коллеждин таланттуу студенттери ыр, бий, тамаша ойноп аскерлеге жагымдуу маанай тартуулады.