Жалал-Абад мамлекеттик университетинин жана Андижан мамлекеттик университетинин ректорлору кызматташуу тууралуу келишимге кол койду.

Келишимдин негизинде академиялык мобилдүүлүк боюнча окутуучулардын тажрыйба алмашуусу, бир семеестр студенттерди алмашып  билим берүү иштери жүргүзүлөт. Ошондой эле илим жаатында биргеликте изилдөөлөр болуп, илимий лабораториялар ачылаары айтылды.

Маалым болгондой Өзбекстан Республикасынын Андижан облусунун   жергиликтүү бийлик өкүлдөрү, билим берүү, маданият тармагынын кызматкерлери жана ишкерлерден куралган делегация Жалал-Абад облусуна келген. Андан сырткары Жалал-Абад мамлекеттик университетинде да болуп, профессордук-окутуучулук курам жана студенттер менен жолугушушту.