Табигый-техникалык факультетинин химия, биология, география кафедраларынын башчылары: Н.Б.Арстанбекова, А.А.Токторалиев, Н.С.Жунусовдор Өзбекстан Республикасынын Андижан мамлекеттик университетинин Табигый илимдер факультетинде иш сапарында болушту.

Сапардын алкагында Табият таануу факультетинин химия, биология, география кафедраларынын заманбап лабораторияларын көрүп чыгып, кафедралардын жамааты жана студенттери менен жолугуп, баарлашышты.

Ушул эле жерде белгилүү илимпоз, тарых илимдеринин доктору, профессор Рустам Шамисиддинов менен жолугуп пикир алышышты. Мындан сырткары университеттин тарых музейинде болушуп, китепкана, электрондук китепкана, окуу залдарынын иши менен жеринде таанышышты.

Ошондой эле ар бир кафедра башчылары өздөрүнүн багыттары боюнча  иш кагаздарын жүргүзүү, аткаруу тартиптери, автоматташтырылган системанын жардамында иш жүргүзүү эрежелери менен таанышып, конок лекцияларды өтүштү.