Табигый – техникалык факультетинин жалпы жамааты Нооруз майрамына карата аруу тилектер менен  сүмөлөк кайнатышты. Бул демилгени  студенттер көтөрүп, жакшы маанай менен  өткөрүштү. Бул тууралуу декандын орун басары Алтынай Болотова кабарлады.

“эзелтен элибиз жакшы ой-тилек менен ынтымакты чыңдоо үчүн бир түндүктүн астында, улуу оттун боюнда отуруп сүмөлөк кайнатышкан. Бул күнү айтылган ак тилектер орундалып, кут береке  даарын улуу күнү майрамдашкан. Сүмөлөк кайнатуунун жөрөлгөсүн унутта калтырбай, мураска алып калуу жаштардын милдети. Андыктан студенттердин демилгесин колдоп, иш-чараны уюштурдук” – дейт А. Болотова.

         Студенттер чакан концерттик программа даярдап, күбөлөргө өнөрлөрүн тартуулашты.