Жалал-Абад мамлекеттик университети менен   облустун аймактарынан келген мектеп бутүрүүчүлөрү жакындан таанышышты. Окуучулар “Секом Жалал-Абад» билим алуу жана өнүгүү борборунун  ЖРТ курсунда окушат. Алар Конфуций институтунда, «Педагогика жана маалыматтык технологиялар», «Филология»,  «Экономикалык-юридикалык», «Табигый-техникалык», «Медицина» факультеттеринде болушуп, аталган факультеттин декандары, кафедра башчылары менен жолугушту.

Окуучуларга ЖАМУнун ишмердүүлүгү, материалдык-техникалык базасы,окуу процессинин жаңы өзгөчөлүктөрү, академиялык мобилдүүлүк, даярдалып жаткан адистиктер   жана  Жалал-Абад мамлекеттик университетине талапкерлерди кабыл алуу жобосу боюнча кеңири маалымат алышып, университетте жүрүп жаткан ийгиликтерге күбө болушту. Жолугушуу учурунда көпчүлүк окуучулар Жалал-Абад мамлекеттик университетине тапшыраары белгилүү болду. ЖАМУнун кабыл алуу комиссиясынын жооптуу катчысы Э.Н.Төлөнов окуучуларды 19-апрель – ЖАМУда өткөрүүлүчү “Ачык эшик” күнүнө чакырды.

Мындай таанышуулар өспүрүмдөрдүн туура жогорку окуу жайды жана адистикти тандоосуна багыт берет дешет уюштуруучулар.