Жогорку окуу жайлар арасындагы академиялык мобилдүүлүктү программасынын алкагында, Жалал-Абад мамлекеттик университетинин Педагогика жана маалымат технологиялары факультетинин «Информатика жана окутуунун маалымат технологиялары» кафедрасы менен Бишкек шаарындагы Эл аралык Кувейт университетинин  гуманитардык илимдер жана журналистика факультетинин «Прикладдык информатика, математика жана табигый илимдер» кафедрасынын ортосунда эки тараптуу келишим түзүлдү.

Эки тараптуу келишимдин негизги максаты, окутуучулардын жана студенттердин тажрыйба алмашууларын жана өз ара кызматташууларынын окуу-усулдук, илимий теориялык практикалык, конференция, семинар, тренинг, дебат, дискуссия, маданий массалык, спорт тармактарын түзүү, жакшыртуу болуп саналат.

Бул эки тараптуу келишимди иш жүзүнө ашыруу үчүн, Педагогика жана маалымат технологиялары факультетинин «Информатика жана окутуунун маалымат технологиялары» кафедрасынын окутуучусу Төрөгулова Рысбү ички мобилдүүлүктүн алкагында  Эл аралык Кувейт университетинин  гуманитардык илимдер жана журналистика факультетинин «Прикладдык информатика, математика жана табигый илимдер» кафедрасында тажрыйба алмашууларды жүргүзүп келди.

Бул иш сапардын жүрүшүндө жогрудагы университеттин  ички структурасы, профессордук окутуучулук курамы, факультеттерде жана кафедраларда иш кагаздарынын жүргүзүлүшү,  окуу программалары, окуу–усулдук базасы, китепканалары, окуу залдары менен таанышып, окутуучулук курамдын сабактарына катышуу менен тажрыйба алмашууларды жүргүзүп келди.