Экономикалык-юридикалык факультетинин “Мамлекеттин жана укуктун теориясы жана тарыхы “ кафедрасынын алдында уюштурулган “Жаш укук коргоочу ” ийримдин  мүчө студенттери  сот системасында 35 жылдан ашык эмгектенген , Кыргыз Республикасынын эмгек сиңирген юристи,Ардактуу адвокат, Жалал-Абад обласынын ардактуу жараны Сатаров Мелис мырза менен жолугушушту. Мындай маалыматты жогорудагы ийримдин жетекчиси Б.К. Каратаева билдирди.

Жолугушууда ардагер сот Сатаров М.С. жаштарга  өзүнүн басып өткөн эмгек жолундагы жетишкендиктери кемчилдиктери жөнүндө айтып, жаштардын адилеттүү болуусуна, өз өлкөсүнүн мызамдарын сыйлоого үндөдү.  “Жакында КРнын Президенти Сооронбай Жээнбековдун катышуусунда соттордун  съезди болду.  Анда алдынкы сотторду сыйлоо аземи болуп, сот системасы бийликтин бутагы катары Кыргыз мамлекетинин өнүгүшүнө кошкон салымы, сот системасында жүргүзүлүп жаткан реформалардын жыйынтыгы жөнүндө баяндап, кемчиликтерге да токтолду Съездге сот системасындагы жетишкендиктер жана кемчиликтер жөнүндө оюн угуу максатында 50 ардагер сот чакырылды алардын катарында мен да болдум” – деди ал.

Ардагер сот Сатаров М.С ке студенттер тарабынан суроолор узатылып, жооптор алынды. Акырында ийримдин  жетекчиси Каратаева Б. К. жолугушууга келип бергендигене ыраазычылык айтып, келечектин ээси болгон студенттерге агайдын өрнөкүү өмүрү үлгү болоорун айтты.