Экономикалык – юридикалык факультетинин деңгээлингде “Финансы жана кредит” кафедрасынын профессордук – окутуучулар курамы жана студенттери тарабынан даярдалган “Кут толгон Нооруз майрамы” – деген аталыштагы адабий  - музыкалык композицияны кыргыздын нукура салты болгон “Сармерден” оюуну түрүндө өткөрүштү.

         “Сармерденге” “Финансы жана кредит” адистигинин студенттери катышышты, студенттер кечеге ыр ырдап, кыргыздын улуттук бийлерин бийлешип, көрүүчүлөргө майрамдык маанай тартуулашты.

• майрамы менен аталган факультеттин деканы э.и.д., проф. А. К. Аскарова жалпы жамаатты куттуктап, аларга ден соолук, иштерине ийгиликтерди каалап өттү. Куттуктоолордон кийин ЖАМУда өткөрүлгөн студенттик олимпиаданын жеңүүчүлөрү дипломдор менен сыйланды.

“Финансы жана кредит” кафедрасынын башчысы э.и.к., доцент Азиза Карбекова майрамдын соңунда ЖАМУнун жалпы жамаатына биримдикти, ынтымакты жана студенттердин окууларына ийгиликтерди каалоо менен аруу тилектерин айтып, майрамды жыйынтыктады. Мындай иш-чара жыл сайын салт катары уюшулуп, жаштарга кыргыз элинин салт-санаалары, үрп-адаттары көргөзүлүп келет.