Жалал-Абад мамлекеттик университетинин медицина колледжинин “Фармация” адистигинин студенттери 14-февраль китеп тартуулоонун эл аралык күнүнө карата бири-бирине китеп белек беришти. Иш-чара колледждин окутуучуларынын демилгеси менен уюштурулганын айтат Барно Сайдазимова.

Китеп тартуулоонун эл аралык күнүнө карата медициналык колледждин биринчи курсунун студенттери ЖАМУнун окуу залдарында болушту. Ошондой эле аталган колледждин окуу залында китеп көргөзмөсү болуп өттү. “Көргөзмөгө адистик багыттагы жаңы келген китептер коюлду. Андан соң студенттер окутуучулар менен бирге башкы корпуста жайгашкан  окуу залына барып электрондук китепкана менен таанышышты. Китепкана кызматкерлери жана медициналык колледждин «Фармация» адистигинин биринчи курсунун студенттери менен кызыктуу китептер, китеп окуунун пайдалуу жактары, китеп белекке берүүнүн мааниси боюнча  баарлашуу жүргүзүштү” – дейт Б. Сайдазимова.  

Бул иш-чаранын демилгечилери  колледждин окутуучулары Б. Сайдазимова, К. Хайткулова жана Н. Байгозиева. Биздин максат жаштарды китеп окуп, дүйнө таанымын кеңейтүүгө жана китепке кызыгуусун арттыырууга үндөө – дешет алар.