Бүтүрүүчүлөр менен студенттердин өз ара байланышын чыңдоо жана тажрыйба алмашуу  максатында химия кафедрасы-нын 2003-жылдагы бүтүрүүчүсү Гулбурак Молдошева “Химия” кафедрасынын 2-3- курсунун  студенттери менен “Органикалык эмес химия” курсунан  химиялык элементтер боюнча викторина-сабагын өткөрдү.

Викторина-сабактын негизги максаты студенттердин  химия предметине болгон кызыгуусун  жана таанып-билүү ишмердүүлүгүн активдештирүү, практикалык билгичтиктерин калыптандыруу,  коллективде иштөө жопкерчилигин күчөтүү болуп эсептелет – дейт кафедра башчысы Нуржан Арстанбекова.

Сабактын жүрүшүндө студенттер 3 командага бөлүнүү менен 4 багыт боюнча викторинанын суроолоруна белгилүү бир убакыттын ичинде жооп беришти. Химиялык реакциялардын жүрүшү,  алардын белгилери боюнча айтып түшүндүрүү менен тишелүү реакциялардын теңдемелерин жазып беришти.

         Сабак-викторина өтө кызыктуу өтүп, жыйынтыгында 2-курстун “Эйнштейний” командасы 123 балл, ал эми  3-курстун “Менделевий” командасын 121 балл топтоп, 2-курстун студенттери жеңишке жетишишти.

         Сабак-викторинанын аягында Г.Молдошева студенттерге жана окутуучуларга өз белектерин тартуулады.

         Өз кезегинде кафедра башчысы Н.Б.Арстанбекова  бүтүрүүчү Г.Молдошевага иштеринде ийгиликтерди каалоо менен “Ыраазычылык катын” тапшырды.