Жалал-Абад колледжинин укук таануу жана социалдык иш бөлүмүнүн окутуучусу А Усенов КРнын Өкмөтүнүн ыраазычылык каты менен сыйланды.

Жалал-Абад облусунун атынан жаш активист катары "Адам сатууга каршы" долбоорунун алкагында  өткөн жылдын июль айында Ысык-Көл облусуна барып окуп келген. Жыйынтыгында биздин областта 100 күндүк маалыматтык иш чараны активдүү уюштургандыгына байланыштуу ыраазычылык кат берилгенин билдирет А.Усенов. 

Белгилей кетсек, Адам сатуунун алдын алуу жана ага каршы күрөшүү жөнүндө» Кыргыз Республикасынын Мыйзамына ылайык, 2017-жылдын ноябрында Кыргыз Республикасынын Өкмөтү тарабынан 2017-2020-жылдарга карата адам сатууга каршы күрөшүү боюнча Программа жана аны ишке ашыруу чараларынын Планы бекитилген.