Oct 12, 2018  883

Жалал-Абад мамлекеттик университетинин “Маданияттар аралык байланыш жана лингвистика” кафедрасы тарабынан “2018-жыл -Региондорду өнүктүрүү жылына” карата “Тилдерди үйрөнүүдө маданияттар аралык баарлашуудагы проблемалар” деген темадагы Эл аралык илимий-практикалык конференция болду. Ал аталган кафедранын  башчысы Гулмира Сатыбалдиева тарабынан уюшулган.
        Конференцияда “Тилдерди үйрөнүүдө маданияттар аралык баарлашуудагы проблемалар” деген теманын алкагында түрдүү элдердин маданияты, тарыхы, адабияты жана баарлашууда кыргыз, орус, англис, түрк, кытай тилдериндеги өзгөчөлүктөр, кыйынчылыктар жөнүндө талкууланды.                                                          “Окумуштуулар, илим изилдөөчүлөр лингвистика, котормо таануу, америка таануу, семиотика, тарых, адабият жана маданият темалары боюнча кызыктуу маалыматтарды беришти. Бизден билим алып жаткан студенттер тил гана үйрөнүп чектелбестен,  ар мамлекеттин маданиятын, каада-салтын үйрөнө алышат” – дейт Сатыбалдиева.

Ошондой эле ал кошумчалагандай  иш-чарага ЖАМУдагы илимдин докторлору, кандидаттар жана Британия, Кытай, Турция, Америка мамлекеттеринен 10го жакын тил таануучулар келип, өз тилдериндеги өзгөчөлүктөр жөнүндө баяндамаларды жасашкан.