15-сентябрь - Бүткүл дүйнөлүк тазалык  күнүнө карата ЖАМУнун жаштар комитети баштаган студенттер масштабдуу ишембиликке чыгышты.

      Студенттер ишембиликте өздөрү окуган аймакты, көчөлөрдү негизинен бөлүнгөн территориясын  тазалашты. «Дүйнөнү тазалайбыз» деген ураан менен өткөн  бул иш чарага ЖАМУнун көптөгөн ыктыярчылары тартылды. Муну менен катар жаштар тазалык акциясына карата ЖАМУнун башкы корпусунда флешмоб уюштурушту. Негизги максат табияттын тазалыгына көңүл бурдуруу болуп саналат.

      Эскерте кетсек, Бүткүл Дүйнөлүк тазалык күнү жыл сайын өткөрүлүп, ири масштабадагы жарандык кыймыл катары саналып, 150 өлкөдөн миллиондогон ыктыярчыларды камтыйт.