8-июнда Жалал-Абад мамлекеттик университетинин Табигый-техникалык факультетинин  «2018-жыл Региондорду өнүктүрүү жылынын» алкагында жана ЖАМУнун түптөлүшүнүн 95 жыл университет болуп түзүлгөнүнүн 25 жылдыгына карата профессордук-окутуучулар курамы жана  кызматкерлер арасында өткөрүлүүчү “Жетелеген 95-жыл жарыкка, жаша ЖАМУ из калтырып тарыхта” аттуу жарыяланган сынактын алкагында иш чара уюштурду.

        Аталган факультеттин иш чарасы “Аймактарды өнүктүрүү жылын”,        Ч. Айтматовдун 90 жылдыгын жана Көчмөндөр цивилизациясын камтыган.  Факультеттин  жамааты улуу жазуучу Ч. Айтматовдун чыгармаларындагы терс каармандардын образында сахналаштырылган, сюжеттүү инценировка коюшкан. Убакыттын өтүшү менен терс каармандар өздөрүнүн каталарын түшүнүп, оңолуусу чагылдырылган. Бул менен алар убакыт барын ордуна коерун, кеч болсо да туура эмес иш аракеттерин адамдар түшүнүп, жакшы жолго түшүү  эч качан кеч эместигин белгилешкен.    Андан сырткары ар улуттун бийин аркарууда 10 өлкөнүн бийин аткарышты. Көчмөндөр цивилизациясы ааламдашуу алкагында пунктуна ылайык “Көчмөндөр каада-салты – Хан көтөрүү” салтын театрлаштырып, курмандыкка чалуу салты көргөзүлгөн.  

            Жыйынтыгында сөзгө чыккан калыстар тобунун төрайымы Айгул Доранова “Аз убакыттын ичинде даярданганыңыздарга карабай  образдарды жогорку деңгээлде ачып бере алдыңыздар. Негизинен бардык  7 пунктту тең аткардыңыздар. Биз калыстар тобу кеңешип, ар бирибиз өз баабызды бердик, жыйынтыгында 261 баллга ээ болдуңуздар. Ал эми жылдын аягында болуучу гала концерке эки мыкты аткарылган чыгармаларды тандап алдык.    

Калыстар тобунун мүчөлөрү:

А.Д. Доранова – калыстар тобунун төрайымы, социалдык иштер жана мамлекеттик тил боюнча проректору;

К. М. Болотбеков – мүчө, ЖАМУнун провсоюздар кошуунунун төрагасы;  

Р.А. Шаимкулов – мүчө,  ЖАМУнун маданий-эстетикалык борборунун жетекчиси;

Ж. Масаитов – мүчө, ЖАМУнун маданий-эстетикалык борборунун адиси;

Н.Г. Шамуратов – мүчө, ЖАМУнун маданий-эстетикалык борборунун адиси.