Педагогика жана маалымат технологиялар факультетинин профессор Ш.М.Ниязалиев атындагы “Философия жана гуманитардык илимдер” кафедрасынын окутуучулар жамааты  “Эл аралык балдарды коргоо” күнүнө карата 4-июнда Жалал-Абаддагы балдардын психоневрологиялык социалдык стационардык мекемесине кабар алып барып келишти. Алар Б.М.Исаков, К.А.Сабиров, М.И.Мамытов, А.О.Шерматов, Н.Т.Акыев, Г.К.Молдоказиева, Ы.М.Кожоназарова, Н.А.Жолдошева жана Социалдык иш багытындагы 2-3-4-курстарынын студенттери.

Жалпы негизде студенттер 2500 сом өлчөмүндө каражат чогултушуп, ал жердеги оорулуу балдарга зарыл каражаттар: памперс ж.б. муктаждыктарды алып барышкан.

         Социалдык иш багытындагы студенттерге мекеменин директору Д.А.Алимжанова  өзүнүн ыраазычылыгын билдирип өттү.