ЖАМУнун Жалал-Абад колледжинде Кыргыз Республикасынын Куралдуу Күчтөрүнүн түзүлгөн күнүнө карата 29-майда студенттердин арасында аскердик-патриоттук тарбияны жогорулатуу, Ата-Мекенге болгон сүйүүнү арттыруу жана дене тарбия даярдыгын текшерүү максатында аскердик-спорттук мелдеш өткөрүлдү.Ал  колледждин Аскерге чейинки даярдоо иштери боюнча жетекчиси жана окутуучулары тарабынан уюшулган.

         Мелдеш саптык даярдык, 16кг грия көтөрүү, кол гранатасын алыска ыргытуу, Калашников автоматын толук эмес чачуу жана жыйноо, пневматикалык винтовкада ок атуу, аркан тартмай жана ошондой эле аскердик викторина менен коштолду.

         Мелдешке ар бир бөлүмдөн бирден команда чыгып жалпысынан жети команда катышып биринчи орунду  “Мектепке чейинки жана техналогиялык билим берүү” бөлүмү,  экинчи орунду “Педагогика” бөлүмү,  үчүнчү орунду “Каржы жана банк иши”  бөлүмү ээлегенин колледждин тарбия итери боюнча орун басары Жусуп Назаров билдирди.