Apr 23, 2018  1001

ЖАМУнун Педагогика жана маалымат технологиялар факультетинин “Башталгыч билим берүүнүн теориясы жана методикасы” кафедрасынын окутуучулук-профессордук курамы тарабынан 13-апрелинде “Окутуу процессиндеги заманбап технологиялардын өзгөчөлүгү” аталышындагы ата-энелер жыйын-тренинг өткөрүлдү. Жыйынды факультеттин деканы, п.и.к., доцент Ажыкулов Сапарбек ачып, андан ары кафедра башчысы, п.и.д., профессор С.С. Сакиева сөз сүйлөдү.

Алар өз сөзүндө жетишкендиктер, ийгиликтер, өзгөчөлүктөрү жөнүндө токтолуп кетишти. Программага ылайык окутуучулар: С. Борошов, Т. Абдукеримова, А. Акматов, Н. Мокуева, А. Раимкул кызы тарабынан ар түрдүү темада мастер класстар өткөрүлдү. Жыйынга кафедранын доценти К.М. Ураимов модераторлук кылды. Ата-энелер сөзгө чыгып, окуу жайдын юбилейи менен куттукташып, билим, тарбия берип, эмгектенип жатышкан окутуучуларга ыраазычылыктарын билдиришти. Бул иш-чара атайын ЖТР теле каналына тартылып, ошол күнкү жаңылыктар түрмөгүнөн эфирге берилди.   Жыйынтыгында П-1-16 тайпасынын студенттери тарабынан даярдалган концерттик программа тартууланды. Коомдук иштерге активдүү катышкандыгы үчүн алдыңкы студенттерге жана алдыңкы студенттердин ата-энелерине алкыш каттар берилди. Ар бир тайпанын кураторлору ата-энелер менен эстелик үчүн сүрөткө түшүштү.