Dec 12, 2023  214

Б.Осмонов атындагы Жалал-Абад мамлекеттик университетинин Конфуций институтунун окутуучусу Чжао Мэн “Омурткасыздардын зоологиясы” предметинен б.и.к., доцент Ш.Ш.Нурдинов менен биргеликте II курстун студенттерине  биргелешкен лекция өтүштү.

Лекция өтүүдө окутуунун жаңы технологияларын, слайд, видео фильмдерди пайдалануу менен студенттердин жаңы өтүлгөн теманы түшүнүүсүнө жана предметке кызыгуусуна шарт түздү. Конфуций институтунун окутуучулары менен бир гана тил эле үйрөнбөстөн 550100 ТИББ багытынын профилинин окутуучулары кесиби боюнча  тажрыйба алмашуу жүргүзүп жатышат. Конфуций институтунун окутуучусу Чжао Мэн студенттердин өз кесибине кызыккандыгын белгилеп, мындан ары да кафедранын окутуучулары жана студенттери менен тыгыз иштөөсүн билдирди.