Физика жана информатика кафедрасынын профессордук окутуучулук  курамы 2023-2024 -окуу жылында атайын түзүлгөн графикке ылайык ачык сабактарды  өтүүдө. Ачык сабактарды өтүүнүн максаты кафедранын профессордук-окутуучулук курамынын тажрыйба алмашуусун, алдынкы тажырыйбаны жайылтууну, студенттердин билим сапатын жогорулатуу жолдорун талдоону көздөйт.  Ушул максаттарга ылайык, кафедранын профессору , ф.-м.и.к Иманкулов Закиржан Иманкулович ЛДк-1-22 тайпасына "Движение жидкостей" деген темада графиктин негизинде лекциялык ачык сабак өттү. Ачык сабакта Бернуллинин, Ньютондун, Пуазейлдин,  Стокстун закондорун пайдаланып, суюктуктун ылдамдыгын, басымын,  илешимдүүлүк, коэффициентин  өлчөөнүн жолдорун көрсөтүп берди. Андан сырткары кан тамырдагы кандын айланышын, кандын басымын өлчөөнүн физикалык жолдорун карап өттү. Сабак студенттер үчүн пайдалуу жана көрсөтмөлүү болду. Студенттер аталган темадагы берилген тапшырмаларды кызыгуу менен аткарышып, активдүүлүгүн көрсөтүштү.

Ошондой эле кафедранын доценти, т.и.к., Н.Т.Осмонова "Использование возможностей  Google формы"  деген темада  ФМББ(И)-1-21 тайпасына лабораториялык ачык сабак  өттү жана  Google  cервис менен иштөөнүн мүмкүнчүлүктөрүн изилдешип, тапшырмаларды аткарышты.

Тажрыйба алмашуу максатында кафедранын окутуучулук жамааты да катышышты. Сабактар өтө жогорку деңгээлде өтүлдү.