Б.Осмонов атындагы Жалал-Абад мамлекеттик университетинин түптөлүшүнө чоң салым кошкон, чыгаан математик, илимпоз, мыкты педагог катары, үзүрлүү эмгеги менен таанылган, физика-математика илимдеринин доктору, профессор Алыбаев Курманбек Сармановичтиа “Кыргыз Республикасынын билим берүүсүнө эмгек сиңирген кызматкер” наамынын  ыйгарылышы менен куттуктайбыз  

         Курманбек Сарманович Алыбаевды  өзгөчө инсан катары баалайбыз, анткени агайдын математиктерге билим берүү, тарбиялоо процессинде, өзүнүн эмгекчилдиги, принципиалдуулугу, жогорку деңгээлдеги интеллектуалдык, уюштуруучулук чеберчилиги, өзүн алып жүрүү, сүйлөө маданияты менен биздин бүтүрүүчүлөрүбүз үчүн сыймыктуу, авторитеттүү, идеал туткан агай катары бааланып келет.

         К.С. Алыбаевге чың ден соолук, узун өмүр, үй-бүлөсү менен бакубат турмуш каалайбыз, келечек муундарга билим берип, тарбиялоодо агайдын орду зор экендигин билдиребиз дешет жогорку математика жана математиканы окутуунун технологиялары кафедрасынын жамааты.