Б.Осмонов атындагы Жалал-Абад мамлекеттик университетинин эмгек жамааты студенттер менен биргеликте ишембилик уюштурушту.

Жалпы улуттук тазалык күнү шаар мэриясы тарабынан уюштурулуп, ага окуу жай активдүү катышты.

Административдик чарба иштери боюнча проректор Салмоорбек Уметовдун айтымында, университетке тиешелүү имараттардын айланалары таштандылардан тазаланып, бак-дарактар жана тосмолор акталган. Калаанын инфраструктурасына жана тазалыгына көңүл бөлүп, анын өнүгүшүнө салым кошуу ар бир жашоочунун милдети. Андыктан жалпы эмгек жамаат студенттер менен биргеликте тазалоо иштерине активдүү катышып, өз салымдарын кошууда – дейт ал.