ЖАМУнун “Брут” курама командасы Кыргызстандагы ЖОЖдордун студенттери арасында дебат турнирине катышышты. Бул тууралуу Жаштар комитетинин төрагасы Адилет Усенов билдирди.

Дебат Ош мамлекеттик университетинде студенттик акыйкатчы аппаратынын 15 жылдык мааракесининин алкагында Кыргызстандагы ЖОЖдордун студенттери арасында уюштурулган.

Аталган дебат турнирге Б.Осмонов атындагы ЖАМУнун “Брут” курама командасы катышышты. Дебат оюндун максаты – студенттердин өз оюн кенен айтууга үйрөтүү жана алардын оратордук чеберчилигин жогорулатуу болуп саналат. Жыйынтыгында, Б.Осмонов атындагы ЖАМУнун “Брут” курама командасы “Мыкты команда” номинациясы менен сыйланышты – дейт А.Усенов.