ЖАМУнун филология факультетинин 313-аудиториясында 29-мартта РЯЛ-1-14 тайпасынын студенттеринин  кесиптик-профильдик практикасын жыйынтыктоого арналган конференция болуп өттү.

Конференцияга III-IV курстун студенттери, орус филологиясы, педагогика жана психология кафедраларынын окутуучулары, ошондой эле шаардык мектептердин мугалимдери катышты.

Студенттер өздөрүнүн сабактарынан, класстан тышкаркы иштеринен кызыктуу фрагменттерди көрсөтүштү, практикадан алган таасирлери менен ой бөлүштү.

Университеттин окутуучулары, мектептин мугалимдери кээ бир студенттердин сүйлөө речинин начардыгын баса белгилешти жана кантип орус тилин үйрөнүүнүн жолдорун айтып өтүштү.

Аягында практиканы уюштуруунун сапатын жогорулатуунун жолдору белгиленди. Белгилей кетсек, студенттер 2018-жылдын 5-февралынан 17-мартына чейин шаардын жана Сузак районунун орто мектептеринде практикасын өткөрүп келишти.