Apr 10, 2023  343

Б.Осмонов атындагы ЖАМУнун Жаштар комитети тарабынан медицина факультетинде жалпы адистиктер боюнча “Даанышман” интеллектуалдык оюну болуп өттү. Интеллектуалдык оюндун максаты – медицина факультетинин студенттеринин сергек жашоо образын калыптандыруу жана маданий-эстетикалык, интеллектуалдык деңгээлин көтөрүү. Таймаш аркылуу алдыда дагы бирдикте коом үчүн пайдалуу жана актуалдуу иш-чараларды уюштурууга башат болуу эсептелет. Жалпысынан 6 команда катышып, катышуучулар 4 багыт боюнча күч сынашты.

Жыйынтыгында, 1-орунду “Улыбка” тобу, 2-орунду “Авиценна” тобу 3-орунду “Адреналин” тобу жеңип алышты. Таймаш учурунда өзүнүн ой-өрүшү кенендиги менен айырмаланган Раева Арууке "Мыкты оюнчу" номинациясы менен сыйланды.