Mar 22, 2023  611

Б.Осмонов атындагы Жалал-Абад мамлекеттик университетинин филология факультетинин англис тили жана адабияты кафедрасынын ЧТ-1-22 тайпасынын куратору М. Торомаматова тарабынан Нооруз майрамына карата "Кыргыз элинин каада салттары, үрп -адаттары, жөрөлгөлөрү" деген темада куратордук тарбиялык ачык саат өттү.

Жаратылыштын жаңылануусун жана табияттын жандануусун жар салган Нооруз майрамы менен катышуучуларды куттуктап. Нооруз берекенин, өз ара түшүнүүнүн, терең ишенимдин, үзүлбөс үмүттүн учугун улаган улуу майрам экени белгиленди. Сабак кыргыз элинин каада салттарын чагылдырган слайд, фото суроттор ватман кагаз маркерлер менен жабдылды. Тарбиялык саатта студенттер 3 кичи топторго бөлүнүп элибиздин байыртан бери келе жаткан көптөгөн каада салттары, үрп адаттары жана жөрөлгөлөрү жөнүндө маалымат беришип, кыргыз элинин бешикке салуу, түшоо кесүү, кыз узатуу, келин алуу сыяктуу каада салттарды сүрөттөп көргөзмөлүү кылып айтып беришти. Андан соң Ноорузга арналган элдик ырлар, бийлер, макал-лакаптарды айтышуу жана кыргыз элинин улуттук каада салтын камтыган майрамдык концерт кеченин көркүн ачты.