Mar 15, 2023  339

Жалал-Абад колледжинин модельер-конструктор адистигинде өзгөчө куратордук сабак өтүлдү. Ачык сабакты КМТШИ-2-20 тайпасынын куратору Мамажунусова Нурхан уюштурду. Тема “Түстөр дүйнөсүндө” деген темада болду. Сабакта түстөрдүн мода ааламындагы орду,кийинүүдө түстөрдү кураштыруу чеберчилиги, алардын жылуу жана муздак деп эки топко бөлүнушү талкууланды. Аудиторияда студенттердин колу менен жасалган түстөрдүн креативдүү композициялары көргөзмөгө коюлду.

Эң уникалдуулугу-студенттер окутуучулар менен биргеликте кызыл, жашыл, көк, ак, кара түстөрдө кийим кийишип, ошол түстөгү шириндиктерди, суусундуктарды кармап музыканын коштоосунда параддан өтүштү. Түстөр жөнүндө ырлар, учкул сөздөр айлтылды.  Ачык сабакка ЖАКтын директору Б.М.Турдубаева, тарбия иштери боюнча директордун орун басары Аззам у.Гайназар жана окутуучулар катышышты.