Б.Осмонов атындагы Жалал-Абад мамлекеттик университетинде, окуу жайдын түптөлүшүнүн 100 жылдыгына карата өткөрүлүп жаткан иш чаралардын алкагында экономикалык-юридикалык факультетинин экономика, эсеп жана каржы кафедрасы тарабынан “Отун-энергетика комплексинде декарбонизациянын алдыңкы технологиялары: жашоонун жаңы чөйрөсүнө жол” аталышындагы Эл аралык илимий - практикалык конференция уюштурулуп, жогорку деңгээлде өттү.

           Конференцияга Россия Федерациясынан, Казакстан, Өзбекстан, Тажикстан мамлекеттеринин жогорку окуу жайларынын окумуштуулары жана өлкөбүздүн бардык аймактарынан окумуштуулар, аспиранттар, магистранттар жана студенттер катышышып, тема боюнча илимий баяндамаларын окушту.

           Конференцияда жалпы 4 багыт боюнча секциялар иштеп, жыйынтыгында активдүү катышкан баяндамачыларга дипломдор жана сертификаттар тапшырылды.