“Мамлекеттик органдарда иш кагаздарынын мамлекеттик тилде жүргүзүлүшүнүн абалы” аталыштагы “Кыргыз Республикасынын мамлекеттик тил жөнүндө” Кыргыз Республикасынын Конституциялык Мыйзамы долбоору жана “Кыргыз Республикасынын жарнама жөнүндө” КРнын мыйзамынын аткарылышы жөнүндө жыйын болуп өттү.

Жыйын Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиясы, Кыргыз Республикасынын Президентинин Ош облусундагы ыйгарым укуктуу өкүлчүлүгү жана Ош шаардык мэриясы тарабынан уюштурулуп Ош облусундагы ыйгарым укуктуу өкүлчүлүгү чоң жыйындар залында өттү.

Аталган жыйынга Б.Осмонов атындагы Жалал-Абад мамлекеттик университетинин мамлекеттик тил жана тил саясаты боюнча проректору А.Д.Доранова, гуманитардык дисциплиналар кафедрасынын башчысы А.М.Эшиевдер катышып келишти.

Жыйында мамлекеттик тил жана тил саясатын өнүктүрүү жана жайылтуу жаатында болуп жаткан жетишкендиктер жана көйгөйлүү маселелер көтөрүлдү.