Алдыңкы тажрыйба борборунда илимий макала жазуунун жолдору жөнүнүндө семинар болду.  Семинарга илим, магистратура, аспирантура жана докторантура бөлүмүнүн башчысы, ф.и.к.,доцент  Д.Чокоева  жана х.и.д.  Б.Эрназарова катышышты.  Иш-чараны  ЖАКтын  илимий иштери боюнча жооптуу  Ч.Канкулова уюштурду. Анын билдирүүсү боюнча семинарды уюштуруунун максаты: окутуучуларды илим чөйрөсүнө тартуу, илимий макала жазуунун стилдери менен тааныштыруу жана илимий эмгектерди басмадан чыгаруу жолдорун үйрөтүү.

         Семинарда ф.и.к.,доцент  Д.Чокоева: “ Илимий иликтөө иштеги суроодон тезиске, тезистен текстке чейинки жол” деген темада баяндама окуду.  Ал эми х.и.д  Б.Эрназарова илимий макаланы Scopus жана Web of Science базаларында жарыялоо тартиптери менен тааныштырды.

         Иш-чара аспиранттар жана изилдөөчүлөрдү кызыктырган суроолор менен коштолуп, талкуу продуктивдүү болду.