Кыргыз Республикасынын Президентинин 2022-жылды “Тоолордун экосистемасын коргоо жана климаттык туруктуулук жылы деп жарыяланган жарлыгынын жана  ЖАМУбуздун 100 жылдыгына карата “100 жылдыкка 100 иш чара” долбоорунун алкагында Б.Осмонов атындагы Жалал-Абад мамлекеттик университетинин  филология факультетинин профессордук - окутуучулар курамынын “Жалпыбыз бириксек күчтүү билек, ЖАМУну өнүктүрүү биздин тилек” аттуу иш-чара  2022-жылдын 24-ноябрда өткөрүлдү.

Аталган иш чаранын жобосундагы талаптар боюнча  көргөзмө уюштурулуп, буклетттер жасалып,  программа боюнча иш-чарада кылымдар бою өзүнүн улуулугун, наркын, салтын жоготпой келген кыргыз элибиздин Манасы айтылып, күүбүз жаңырып, ырчыларыбыз таңшып, комуздарыбыз шаңшып, кыргыздын улуттук  нарк-насилдерин тартуулап, өнөр майрамы тартууланды.

Тоолордун экосистемасын коргоо жана климаттык туруктуулук жылы деп жарыяланган жарлыгына карата залкар жазуучубуз Ч.Айтматовдун “Дениз бойлоп жорткон Ала - Дөбөт” чыгармасынан үзүндү көрсөтүлдү.  

 Көзөмөлчүлүк курамдын чечимине ылайык факультеттин профессордук-окутуучулук курамы тарабынан аткарылган төмөндөгү номерлер Гала-концертке сунушталды:

1.      “Алматыга бараткан кыз” ыры –Асылбекова Ч.

2.      “Миллион алых роз” ыры- окутуучулар тобу

3.      “Погода в доме” ыры-Эргашева Д.

4.      “Аясан боло” ыры- Көчөрөва Г.

5.      “Жалын бийи” – бийчилер тобу – дейт ФФнын деканы А.А.

Калмурзаева