Илим  жана студенттердин Эл аралык  күнүнө карата Э.Уметов атындагы педагогика факультетинин физика жана информатика кафедрасынын "Жаш физик" ийрими уюштурган  физика-информатикалык кече болуп өттү. Бул тууралуу аталган кафедранын башчысы Нургул Осмонова билдирди.

Анын айтымында кеченин жүрүшүндө илим күнүнө карата  баяндамалар окулган. Ошондой эле уУлуу физик-окумуштуулардын турмушунан  алынган кызыктуу окуялар чагылдырылып, акыйнектер айтылды, тажрыйбалар коюлду, кызыктуу викториналык суроолор берилди. Студенттер сценкаларды аткарышып көрүүчүлөрдүн купулуна толо алышты – дейт ал.

Андан сырткары  студенттер күнүнө арналган ыр, бийлери менен кечени шаңга бөлөшкөн. Кеченин жыйынтыгында майрамдык иш-чаранын активдүү катышкан студенттерине дипломдор ыйгарылып .  китептер белекке берилген.