«Мамлекттик тилди окутуунун методологиясы жана технологиясын өркүндөтүү» аталышындагы кереге кеңешке Б. Осмонов атындагы Жалал-Абад мамлекеттик университетинин Мамлекттик тил жана тил саясаты боюнча  проректору А.Д. Доранова, МТБнын жетектөөчү адиси – фил. и. д., профессор К.Б. Калчакеев, МТБнын адиси Куванычбек кызы А., кыргыз тили жана адабияты кафедрасынын башчысы, фил. и. к., доцент А. Кадырова,фил. и. к., доцент Г.Кочорова жана Гуманитардык дисциплиналар кафедрасынын окутуучусуБ. Гадаева катышышты.

Кереге кеңеште билим берүү тармагында мамлекеттик тилди өнүктүрүүдө мониторинг жана баалоо системасынын орду жана мааниси, жогорку окуу жайларда, колледждерде жана орто мектептерде кыргыз тилин окутуунун мазмууну жана технологиялары талкууланды. Кыргыз тилин үйрөтүү боюнча инновациялык усулдардын көргөзмөсү да уюштурулду.

Кереге кеңеш Кыргыз Республикасынын билим берүү жана илим министрлигинин Мамлекеттик тилди өнүктүрүү секторунун башчысы Г.Ү. Ибраимова жана КР Президентине караштуу Мамлекеттик тил жана тил саясаты боюнча улуттук комиссиянын аймактарда мамлекеттик тилди өнүктүрүү бөлүмүнүн башчысы А.Ө. Тилекматовалардын демилгеси менен уюштурулган.

Аталган иш чара үстүбуздөгү жылдын 11-ноябрь күнү Ош облусунун №52 Кыргыз-түрк достугу мектеп-лицейинде Ош, Джалал-Абад жана Баткен облустарынын жогорку окуу жайларынын, колледждеринин, орто мектептеринин өкүлдөрүнүн катышуусунда болуп өттү.