Б.Осмонов атындагы Жалал-Абад мамлекеттик университетинде 10-ноябрдагы илим күнүнө карата бир айлык жарыяланып, өтүлүүчү иш-чаралардын алкагы белгиленген.

         Илим күнүнө карата “Жогорку окуу жайлардагы илим изилдөөлөрдүн фундаменталдык жана колдонмо маанилүүлүгү” аталыштагы илимий-практикалык конференция өттү. Конференция башталаар алдында: факультеттердин бир жылдык илимий иштеринин көргөзмөсү болду.

         Конференцияга УИАнын академиги, техн.ил.докт Кожогулов К.Ч., УИАнын мүчө-корр. Техн.ил.докт. Бримкулов У.Н., ОшМУнун, ОшТУнун жана башка окуу жайлардын окумуштуулары катышты.

Пленардык отурумда:

Эшиев А.М. филол.и.д., профессор “Манас» эпосунун бүгүнкү актуалдуулугу”; Бекешов Т.О. ф.м.и.к. доцент “Система неклассических интегральных уравнений Вольтерра 1го рода”; Чокоева Ч.М. филол.и.к., доцент “Кыргыз мамлекетинин идеологиясында салт менен диндин орду кандай болуш керек?”; Сабырова К.Ж. ю.и.д. профессор “Проблемы гражданского законодательства Кыргызской Республики”; Токтогулова Г.Т. филос.и.к., доцент “Жалал-Абаддагы билим берүүнүн калыптанышы: тарыхый талдоо”; Алыбаев К.С. ф-м.и.д., профессор “Окуу материалдарын кыскача жазуунун формаларынын практикалык  мааниси” аталыштагы илимий докладдар окулду. Конференциянын катышуучулары тарабынан бардык илимий докладдардын темалары актуалдуу жана кызыктуу деп табылды.

         Илим күнүнө арналган илимий-практикалык конференциянын иши түштөн кийин секциялык иштерде улантылды. Окумуштуулар менен катар эле көптөгөн аспиранттар, магистранттар жана студенттер дагы илимий докладдары менен катышышты. Биринчи, экинчи, үчүнчү орундар белгиленип, дипломдор тапшырылды. Мыкты докладдар “ЖАМУнун Жарчысы” журналынын 3-4 кварталдагы сандарына жана “Илим жана Студент” журналына жарыяланат.

         Илим күнүнө карата жарыяланган бир айлыктын жыйынтыгы жылдын акырындагы жыйынтыктарга кошулат.