Медицина факультетинин эмгек жамааты студенттери менен биргеликте ишембилик уюштурушту. Бул тууралуу факультеттин деканы Гульбара Ташиева билдирди.

Анын айтымында жаңы окуу жылына даярдыктар жүргүзүлүп, окуу корпустар оңдоп-түзөөдөн өткөрүлгөн. Имараттардын айланасын таштандылардан тазалап, бак-дарактар акталган. “Жаңы окуу жылына студенттерди кабыл алып, окуу процессин баштоого толук даярбыз. Ошондой эле экологияны таза кармап, жаратылышыбызды коргоо ар бирибиздин милдетибиз” – дейт декан.

Г. Ташиева бардык студенттердин окууларына жана профессордук-окутуучулук курамдин иштерине ийгилик каалады.