Б.Осмонов атындагы Жалал-Абад мамлекеттик университетинин 100 жылдык мааракесин утурлай уюштурулуп жаткан "Жалпыбыз бириксек күчтүү билек, ЖАМУну өнүктүрүү биздин тилек!" аттуу көчмө маданий иш-чарасы, Кара-Көл шаарында жайгашкан, Кара-Көл колледжинин окутуучуларынын өздүк көркөм чыгармачылыгынын аткаруусунда уюштурулду.

Улуу Манас эпосунан баштап, Айтматовдун ааламына көз чаптыруу менен, улуттук колориттеги образдарды жараткан кыз -келиндер кийиминин көргөзмөсү болуп өттү. Андан соң окутуучулардын ыр-бийи  орун алды. Маданий иш-чарага шаардын жашоочулары, шаардык аскер бөлүгүнүн аскерлери жана Б.Осмонов атындагы ЖАМУнун мамлекеттик тил жана социалдык иштер боюнча проректору Айгуль Доранова баштаган жумушчу топ катышып, чыгармачыл агай-эжелердин эмгектерин баалашты.

Жумушчу топтун тандоосу менен гала концертке окутуучу  Ө. Назаралиевдин манас айтуусу, А. Табышеванын аткаруусундагы “Асылкечим” чыгармасы, Ч. Айтматовдун чыгармаларынан  көркөм окуу жана Айпери Алимованын аткаруусундагы “Атакем” чыгармасы тандалып алынды.