Б.Осмонов атындагы Жалал-Абад мамлекеттик университетинин жалпы жамааты атынан Ноокен райондук  Ж.Ниязов атындагы атайын жалпы билим берүүчү көмөкчү жатак мектебине 66000 сом акчалай жардам көрсөтүлдү. Жардам “1-июнь – Бүткүл дүйнөлүк балдарды коргоо күнүнө” карата берилгенин мамлекеттик тил жана социалдык иштер боюнча проректору Айгул Доранова билдирди.

Жатак мектепте коомубуздун мүмкүнчүлүгү чектелген аярлуу катмарын толуктаган 146 бала тарбияланууда.

 Университеттин МТ жанаСИ боюнча проректору А.Д.Доранова, ТТФнын деканы Ж.Б.Шамиев жана  кесиптик бирликтин бухгалтери Н.Баитовалар ал мектепте тарбияланып жаткан балдардан кабар алышып,  балдардын таланттуу топторунан түзүлгөн концерттик программага күбө болушуп, өз каалоо-тилектерин айтышты.

“Админстративдик башкаруу копусунун эмгек жамааты -13180сом, педагогика жана  маалымат технологиялар факультетинин профессордук-окутуучулук курамы -8100сом, филология факультети-5090сом, экономикалык юридикалык факультети-2000сом, табигый техникалык факультети -5000сом, медициналык факультети -19200сом, Жалал-Абад колледжи -2000сом, медициналык колледжи-5000сом, кенже көмөк көрсөтүүчү кызматкерлер-1500сом кесиптик кошуун бирлиги -5000сом жалпы 66070 сом жардам берилди” – дейт Д. Доранова.