Залкар жазуучу Чынгыз Айтматовдун “Кыямат” чыгармасын экономикалык-юридикалык факультетинин эмгек жамааты сахналаштырышып аткарып чыгышты. 

    Аталган факультеттин деканы А. Аскарованын айтымында “Кыямат” чыгармасында адамзат менен жаныбарлардын, жаратылыштын байланышы жөнүндө ойлор камтылган. Быйыл “Тоолордун экосистемасын коргоо жана климаттык туруктуулук жылы”, “Инсандын руханий-адеп-ахлактык өнүгүүсү жана дене тарбиясы жөнүндө”  жарлыктар жарыяланган. Андыктан “Жалпыбыз бириксек күчтүү билек, ЖАМУну өнүктүрүү биздин тилек” аттуу иш-чарасында аталган чыгарманы сахналаштырып аткарышкан.

“Иш-чаранын жобосуна ылайык бардык тапшырмаларды аткардык. Көзөмөлчүлүк курамдын чыгарган чечимине ылайык факультеттин окутуучусу Бактыгүл Ашылалиеванын аткаруусундагы “Эл алдында келет ырдагым”  чыгарма гала концертке тандалып алынды” – дейт А. Аскарова.

Экономикалык-юридикалык факультетте жалпы 24 профессордук-окутуучулук курам эмгектенсе, анын бешөөсү профессор, 9 илимдин кандидаты бар.