Б.Осмонов атындагы Жалал-Абад мамлекеттик университетинин Жалал-Абад колледжинин энергетика ПЦКсынын студенттерине Жалал-Абадэлектро ААКунун адистери кезектеги конок лекциясын окуду. Анда Жалал-Абадэлектро ААКунун  ыкчам-тескөө бөлүмүнүн башчысы Бокошев Асилбек Анарбаевич “Кыргызстандын электр энергиясынын өнүгүүсү” электр энергиянын балансы бөлүмүнүн башчысы Нурлан Маматов “Электр энергиясын үнөмдөөнүн жөнөкөй ыкмалары” деген темада кеңири түшүндүрмө беришти.

Лекциядан кийин да конок лекторлор менен студенттердин ортосунда пикир алмашуулар, баарлашуулар улантылды. Жалпысынан аталган тема боюнча лекция кызыктуу жана пайдалуу болду. Мындан сырткары өндүрүштөн келген адистерге мазмундуу маалымат лекциялары үчүн колледждин жетекчилиги тарабынан  ыраазычылык айтылды. Адистер үчүн лекциялар келечектеги кесибинин дүйнөсү менен тыгыз байланышта болуунун дагы бир мүмкүнчүлүгү болду, анткени жаны маалыматтрадан тышкары, конок лекция ар дайым жаңы тажрыйба болуп саналат.