Apr 8, 2022  374

Кыргызстандагы Fullbright ассоциясынын президенти, Орто Азиядагы Америка университитетинин профессору, Кыргыз Республикасынын илимине эмгек сиңирген ишмер  Чолпон Турдалиева ЖАМУнун филология факультетинин маданияттар аралык байланыш жана лингвистика кафедрасынын профессордук окутуучулук курамы жана студенттери менен жолугушту. Жолугушууга кафедра башчы п.и.к., доцент м.а. Ы.К. Жолдошбаева жетектеген кафедранын окутуучулары жана 1-4 курстардын студенттери катышты. Жолугушууда Чолпон Турдалиева «Кыргызстандагы XI -кылымга таандык Бурана мунарасы эстелигин антропогендик жана сейсмикалык коркунучтардан коргоо» долбоору тууралуу кеңири баяндамасын тартуулап, тарыхый баалуулуктарды коргоодо жаштардын катышуусу тууралуу ойлорун айтты.