ЖАМУнун алдындагы  Жалал-Абад колледжинин студенттери 21-февраль кунү  Көк-Жаңгак шаарындагы 52870 аскер бөлүгүнө барып, жоокерлердин бир күндүк жашоо турмушу менен таанышып кайтышты. Мындай  маалыматты колледждин директору Бариса Турдубаева бидирди.

   Анын айтымында   «Ата-Мекенди коргоочулар» күнүнө   карата иш-чаралар пландаштырылып, жаш муундардарды мекенге болгон сүйүүсүн, патриоттук сезимин ойготуу максатында жолугушуу уюштурулду.  Алар  жоокерлердин жашоосу жана күнүмдүк турмушу менен жакын танышып, Көк-Жангак шаарындагы 52870 аскер бөлүгүнүн  «Ачык эшиктер күнүнө» да күбө болушту – деп билдирди Б. Турдубаева.

   Ошондой эле  студенттер өзүлөрү даярдап барган концерттик программасын тартуулоо менен, жоокерлерге майрамдык маанай  тартуулашты. Ал эми колледжде 18 адистик боюнча 2700дөн ашуун студент билим алат. Алардын 1102си эркек балдар.