Бүгүн Жалал-Абад шаарындагы «Эркиндик» аянтында  мамлекеттик туунун кабыл алынгандыгынын 30 жылдыгы белгиленди. Мамлекеттик тууну даңазалоо максатында         Б. Осмонов атындагы Жалал-Абад мамлекеттик университетинин профессордук-окутуучулук курамы, кызматкерлер жана студенттер атайын жүрүш жасашты. Салтанаттуу жүрүштө ЖАМУда билим алып жаткан чет өлкөлүк студенттер көпчүлүктүн көңүлүн бурду. Алардын башына кийген ак калпагы, колдоруна кармаган мамлекеттик желек ар бир кыргызстандыктын мекенчилдик сезимин ойготту. Өлкөбүздүн эркиндигин айгинелеген Туу-патриоттуулуктун жана мекенге болгон сүйүүнүн символу экендигин далилдеди.  

Майрамга арналган салтанатка Президенттин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад шаарынын мэри Эрнисбек Ормоков, ЖАМУнун ректору тех.и.д., профессор Кеңешбек Усенов, шаардагы мемекеме-ишканалардын, күч түзүмдөрүнүн кызматкерлери, 704-аскер бөлүгүнүн оркестри жана шаар тургундары катышты.

Эске салсак, Кыргыз Республикасынын Мамлекеттик туусу 1992-жылдын, 3-мартында кабыл алынган. Быйыл Кыргыз Республикасынын Мамлекеттик туусунун кабыл алынгандыгына 30 жыл толду.