Эл аралык эне тил күнүнө карата ЖАМУнун Табигый-техникалык факультетинин Химия кафедрасынын студенттери   окутуучулар жамааты менен бирге 21-февраль күнү  “Эне тил- элдин күзгүсү”  аталыштагы  тегерек стол уюштурушту. Бул тууралуу Химия кафедрасынын башчысы Нуржан Арстанбекова билдирди.

Кафедра башчысынын берген меелыматында иш чарага Химия адистигинин 1-курстан 4-курска чейинки студенттери күбө болушкан.Тегерек столдо студенттер дүйнөлүк тилдер жөнүндө баяндамаларды угуп, кызыккан суроолоруна жооп алуу менен өздөрүнө керектүү маалыматтарга ээ болушту.  Химия – 1-15 группасынын студенти  Номанжанов Хожиназар  дүйнөлүк тилдер жөнүндө баяндама жасаса, ал эми  Химия -1-17 группасынын студенти  Апсаматова Айзирек   өзүбүздүн эне тилибиз тууралуу кызыктуу маалыматтарды  камтыган баяндамасы олтургандардын көңүлүн бурган. Химия -1-17 группасынын студенти Мухтарбек кызы Айзада  Кыргыз Эл акыны Шайлообек Дүйшөевдин  “Кыргыз эмес” деген ырын көркөм окуп берген.

Кафедранын ага окутуучусу  Н.С.  Жолдошалиева да  эне тилди  унутпай даана, так сүйлөө менен бирге  башка тилдерди да үйрөнүп  бул ааламдашуу  доорунда студенттердин  өз  ордуларын табууга үндөдү.  Ал эми Химия кафедрасынын башчысы, доцент Н. Арстанбекова баяндамачыларга ыраазычылык билдирүү менен бирге  тилдин  улуулугун жана ошол улут үчүн ыйыктыгын айтып бул иш чараны жыйынтыктады.

 Белгилей кетсек, аталган кафедрада жалпы 50дөн ашуун студент билим алат.