Б.Осмонов атындагы  Жалал-Абад мамлекеттик университетинин медициналык колледжинде тайпалар арасында  21-февраль   Бүткүл  дүйнөлүк  эне тил  майрамына  карата    «Эне   тилди  данктайбыз»  деген темада сынак өттү. Бул тууралуу колледждин мамлекеттик тил жана тарбия иштер боюнча директордун орун басары Гулнар Темирбаева билдирди. Анын айтымында сынактын максаты студенттер арасында достукту бекемдөө, аларды ыймандуулукка, патриоттуулукка, ар бир улуттун тилин, каада салтын, маданиятын сыйлоого, адептүү болууга үндөө болуп саналат.  

 

Ошондой эле, сынакта тайпалар кыргыз, орус, казак, өзбек, азербейжан, индия, турк улуттарынын  ырларынан,  улуттук бийлеринен, улуттук каада салттарынан үзүндүлөрдү жогорку деңгээлде күйөрмандарга тартуулашкан. Ал эмес, ар бир улуттун улуттук тамактарынан  даярдап, аны жасоо эрежелерин баяндашкан. Жыйынтыгында,  1-орунду  178 упай  менен  Лд-1-21  тайпасынын  «Кыргин», 2-орунду 174 упай менен Фарм-1-21 тайпасынын «Азербайжан», Фарм-3-21 тайпасынын «Аркадашлар», Ад-1-21 тайпасынын «Дослик», 3-орунду  168 упай  менен  Сд-1-21 тайпасынын «Кыргыз кыздары», Фарм-2-21 тайпасынын «Высшая лига», Фарм-4-21 тайпасынын «Достык» командалары ээлешкен.  Активдүү катышкан тайпалар колледждин дипломдору жана баалуу белектери менен сыйланышты.