Б.Осмонов атындагы Жалал-Абад Мамлекеттик университетинин Жалал-Абад колледжинин Экономикалык-юридикалык бөлүмүнүн укук таануу адистигинин студенттери 4-декабрь Манас күнүнө карата Манас эпосунун философиясынын негизинде жарандык атуулдукка, достукка, биримдикке, улут аралык ынтымакка тарбиялоо максатында “Манас таануу” интеллектуалдык  таймашы өткөрүлдү.                                             

Таймашта укук таануу адистигинин I-II-III-курстарынын студенттери Сейтек, Бакай, Чоң казат аталышындагы үч топко бөлүнүп таймашка катышышты.

Таймаштын жүрүшүндө студенттер Манас эпосундагы каармандардын образдарын чагылдыруу менен чектелбестен, Манастын жети осуятын укуктук ченемдердеги чагылдырылышын талкуулашты. Жыйынтыгында калыстар тобунун чечими менен I-II-III-даражадагы дипломдор менен сыйланышты.