Nov 16, 2021  521

Жалал-Абад облустук Барпы атындагы кыргыз драма театрында “Максатташ жаштардын жолугушуусу” болуп өттү. Ага Жалал-Абад шаарынын вице-мэри Гулбарчын Таштанбекова, Жалал-Абад областтык жаштар иштери жана дене-тарбия спорт боюнча башкармалыгынын башкы адиси Нурсултан Рустамов, спортчулар жана ошондой эле Б.Осмонов атындагы ЖАМУнун студенттери да катышышты.

Иш-чарада, шаарыбыздагы  окуу жайлардын алдыңкы студенттерине сыйлыктар тапшырылды. Алардын катарында Б.Осмонов атындагы ЖАМУнун Филология факультетинин 4-курсунун студенти Гүлзана Абдувалиева мэриянын ыраазычылык баракчасы менен сыйланды. Жолугушуу шаардагы окуу жайлардын студенттери тарабынан концерттик программа менен коштолду.