Кыргызстандын 30 жылдык эгемендүүлүгүнө карата Кыргыз Республикасынын маданият, маалымат, спорт жана жаштар саясаты министрлиги тарабынан уюштурулган "Кыргызстандын 100 мыкты студенти-2021" конкурсунун жеңүүчүлөрү  аныкталды. Анда Б.Осмонов атындагы Жалал-Абад мамлекеттик университетинин, медицина факультетинин, Фарм 1-18 тайпасынын студенти Аяна Пайизова III-даражадагы диплом жана төш белги  менен сыйланды.

Уюштуруучулардын айтымында, жолугушуу Бишкек шаарындагы жаңы ачылган инновациялык борбордо болуп, ага Кыргызстандагы  баардык окуу жайлардын  студенттери катышкан. Иш-чарада  КРнын жаштар иштери, дене тарбия жана спорт боюнча мамлекеттик агенттиктигинин, жаштар ишин координациялоо жана өз ара аракеттенүү бөлүмүнүн башчысы Таалайбек Бердиев сынактын катышуучуларын жана жеңүүчүлөрүн  куттуктады.

Иш-чарага “Аскар Салымбеков фонду” коомдук фондунун башкы мүдүрү Амангелди Жумадилов  “Жаштар жана билим”,  “Манас” театрынын башкы мүдүрү Азиз Биймырза уулу, Кыргызстан жаштарынын конгрессинин төрагасы Аскар Шайкидинов катышты. Иш-чаранын жүрүшүндө “Жаштар жана коомдук активдүүлүк” деген темада  тегерек стол болуп, суроо-жооптор менен коштолду. Соңунда “Кыргыз мамлекетинин түптөөчү аталары жана Ата-Бейит баяны” деген темада баян жасалып, Ата- Бейит меомериалдык комплексине экскурсия жасалды.