2021-жылдын 19-октябрь күнү Б.Осмонов атындагы ЖАМУнун кыргыз тили жана адабияты кафедрасы тарабынан Төлөгөн Касымбековдун 90 жылдык мааракесине арналган “Улуттук адабияттын улуу чебери” аталыштагы илимий-популярдуу адабий кече өткөрүлдү.

Илимий-популярдуу адабий кечеде Т.Касымбековдун өмүрү жана чыгармачылыгына арналган слайд-видеолор даярдалган. Кече 2 бөлүмдөн туруп, 1-бөлүмдө Т.Касымбековдун чыгармачылыгы тууралуу маанилүү маалыматтар камтылган илимий баяндамалар окулду.

2-бөлүмдүн адабий-музыкалуу көрүнүшүндө жазуучунун чыгрмаларынан сахналык көрүнүштөр, каармандардын монологдору, анын чыгармачылыгына байланышкан викториналык көрүнүштөр, ырлар, бийлер жана комуз күүлөрү жаңырды.    

Кечеге ар кайсы адистиктердин студенттери катышып, активдүү катышкандыктары үчүн алкыш менен сыйланышты.