Б.Осмонов атындагы Жалал-Абад мамлекеттик университетинде 5-октябрь мугалимдердин кесиптик майрамына карата волейбол боюнча мелдеш уюштурулган. Кечээ жеңүүчүлөр тандалып аларга окуу жайдын ректору тех.и.д., профессор Кеңешбек Усенов акчалай сыйлык жана кубокту ыйгарды.

Жыйынтыгында Жалал-Абад колледжи баш байгени багындырып, I-даражадагы диплом жана ректордун кубогуна ээ болду. Ал эми II-даражадагы диплом, менен экинчи орунду ээлеген эканомика-юридикалык факультетинен түзүлгө команда сыйланды. Үчүнчү орунду багындырган административдик башкаруу корпусунан куралган команда III-даражадагы дипломго ээ болду.

Эске салсак, мелдешке окуу жайдан бардыгы болуп сегиз команда катышып, алардын ар бири 6000 (алты) миң сомдон акчалай сыйлык менен сыйланышты.