Б.Осмонов атындагы ЖАМУ тарабынан уюштурулган Кыргыз Республикасынын Улуттук Илимдер академиясынын академиги Ильяс Ботбаевдин 90-жылдык мааракесине арналган илимий-практикалык онлайн конференциясы «Айыл чарбасы: мал чарбачылыгынын актуалдуу суроолору жана өнүгүү келечеги» аталышында өткөрүлдү.

        Конференция аспирантура, докторантура, магистратура жана PhD  докторантура бөлүмү жана “Ветеринардык медицина” кафедрасынын профессордук-окутуучулук курамы тарабынан уюштурулуп, Кыргыз мал чарба жана жайыт илим – изилдөө институтунун башкы илимий кызматкери а.-ч.и.д., проф. Т.Ж. Турдубаев, Кыргыз мал чарба жана жайыт илим – изилдөө институтунун улук илимий кызматкери К.Э.Иманов, ИИ боюнча проректор К.С. Алыбаев, “Ветеринардык медицина” кафедрасынын башчысы а.-ч.и.к., доц. Б.С.Орозбаев жана кафедранын окутуучулары, студенттери  катышышты. Куттуктоо сөздөр айтылып, академик Ильяс Махмудович Ботбаев тууралуу кеңири сөз сүйлөндү жана конференциянын жүрүшүнө ийгиликтерди каалашты.

1-баяндама: “Академик И.М.Ботбаевдин эт-май-жүн багытындагы куйруктуу кой породасын чыгаруудагы салымы” - Кыргыз мал чарба жана жайыт илим – изилдөө институтунун башкы илимий кызматкери, а.-ч.и.д., проф. Т.Ж.Турдубаев;

2-баяндама: “Сохранение генофонда Алайской породы овец” - Кыргыз мал чарба жана жайыт илим – изилдөө институтунун улук илимий кызматкери К.Э.Иманов;

3-баяндама: “Академик И.М.Ботбаевдин өмүр баяны жана анын илимий иш-аракеттери” – а.-ч.и.к., доцент Б.С. Орозбаев;

4-баяндама: “Академик И.М.Ботбаевди эскерүү” - Б.Осмонов атындагы ЖАМУнун ага окутуучусу Эркинбаева А.

5-баяндама: “Академик И.М.Ботбаевдин окуган институту – илимге чыйыр салган жол” - Б.Осмонов атындагы ЖАМУнун В-1-18 тайпасынын студенти Масиркулов Э.